marcha. segue falando mentres marcha.

Joe Webb

árdelle a cabeza.
dentro da miña boca. nunha aula baleira.

eu observo.

discute. eu non sabía que me agardaba. eu non sabía nada.
a escena é a un tempo estúpida e solemne. como o acto máis curto dunha traxedia grega. un fragmento.

marcha. segue falando mentres marcha.
eu non sei comunicarme máis que coas mans cortadas.
hai algo de mutilación na súa despedida. coma un discurso.

o vento do norte. o norte.
como de súpeto a súa ausencia que non estaba aí antes.
que apareceu. sen eu dicir nada. sentado. 
quedo así. penso se me doe. decido que me doe. pregúntome por que.
calo.